ანის ხელნაკეთი აქსესუარები – ჰობიდან ბიზნესამდე
– რა პროდუქციას სთავაზობთ მომხმარებელს?
მომხმარებელს ვთავაზობ სხვადასხვა ხაზს, კერძოდ, ქალის, ბავშვის და მამაკაცის აქსესუარებს. ესენია: თმის სამაგრები, სამაჯურები (მამაკაცის და ქალის) ყელსაბამები, საყურეები.
– როგორ მზადდება თქვენი პროდუქტი?
აქსესუარების დასამზადებლად ვიყენებ ბუნებრივ ქვებს, მდინარის მარგალიტებს, ვერცხლს, უჟანგავ მეტალს, ქსოვილებს და ა. შ.
– რა ფაქტორებმა იქონია გავლენა რომ დაგეწყოთ?
ბავშვობიდან მომწონდა ხელნაკეთი აქსესუარების დიზაინის შექმნა და დამზადება, სწორედ აქედან გამიჩნდა სურვილი ჩემით შემექმნა სხვადასხვა აქსესუარები, რომელიც ძალიან დიდ სიამოვნებას მანიჭებს.
– მოგვიყევით პირველი ნებიჯების შესახებ
კოვიდის პერიოდში, როდესაც სახლში ვიყავი,გამიჩნდა სურვილი, რომ შემექმნა სხვადასხვა აქსესუარები და ჩემი ბრენდის გვერდი, რომელიც დამეხმარებოდა გაყიდვებში 
შემდეგ ჩემმა შექმნილმა აქსესუარებმა დიდი მოწონება დაიმსახურა, რამაც ძალიან დიდი სტიმული მომცა და ამის შემდეგ გამიჩნდა სხვადასხვა იდეები
– სად ან როგორ გიკავშირდებათ მომხმარებელი?
ამ ეტაპზე მაღაზია არ მაქვს. კონკრეტული ნივთის შეძენა Facebook გვერდის საშუალებით ხდება. მომხმარებელთან მაქვს მუდმივად აქტიური კონტაქტი. ერთობლივად ვთანხმდებით ფერზე, ფორმაზე და ა.შ . ძირითადად ჩემი ფანტაზიით ვქმნი მოდელებს. მომხმარებელი მიკავშირდება ,, Anns handmade,, ან ,, ანის ხელნაკეთების,, გვერდზე
– რამდენ დროს უთმობთ თქვენს ბიზნესს?
რაც შეეხება დროს,არ აქვს ჩემთვის მნიშვნელობა, ამ საქმის კეთება სულ სიამოვნებას მანიჭებს, მქონია ასეთი შემთხვევებიც, რომ ღამე 4 საათი დამიძინია მხოლოდ, რადგან ბევრი შეკვეთები მქონდა. დაარსების დღიდან ყოველდღიურ რეჟიმში ვცდილობ გავაუმჯობესო ხარისხი. ორიენტირებული ვარ მომხმარებლის ინტერესებსა და კომფორტზე, მათი ფანტაზიის და მოთხოვნების სრულად დაკმაყოფილებაზე