„არტ სკოლა 10“-ის პირველი ნაბიჯები

შემოქმედებითი ნაპერწკალი: როგორ დაიწყო ყველაფერი?

მილენა კობახია, 32 წლის ზუგდიდელი ფილოლოგი და PR სპეციალისტი, ყოველთვის გრძნობდა, რომ ხელოვნება მისი ცხოვრების განუყოფელი ნაწილი იყო. წლების განმავლობაში ის თავად ქმნიდა ხელნაკეთ ნივთებს, თუმცა ნამდვილი გარდატეხა მაშინ მოხდა, როცა სხვებისთვის ცოდნის გაზიარების სურვილი გაუჩნდა. ასე დაიბადა „არტ სკოლა 10“ — სივრცე, რომელიც ზუგდიდელი ბავშვებისთვის შემოქმედებით ოაზისად იქცა.

პირველი ნაბიჯები: იდეა, რომელიც საჭიროებამ შობა

მილენამ შენიშნა, რომ ბავშვებს აქვთ უსაზღვრო ფანტაზია, მაგრამ ხშირად აკლიათ ადგილი, სადაც ამ ნიჭს ყოველგვარი ჩარჩოების გარეშე გამოავლენენ.

„მინდოდა შემექმნა სივრცე, სადაც ბავშვები შეძლებენ ისწავლონ, შექმნან და საკუთარი თავი ხელოვნებით გამოხატონ. ჩემთვის ეს სკოლა უბრალოდ სასწავლო სივრცე არ არის — ეს არის ადგილი, სადაც ბავშვების ფანტაზია ცოცხლდება,“ — აღნიშნავს მილენა.

განსაკუთრებული მიდგომა: მეტი, ვიდრე ხატვა

სკოლაში ბავშვები არა მხოლოდ ხატვის ტექნიკასა და ფერებთან მუშაობას ეუფლებიან, არამედ სწავლობენ მთავარს — აზროვნების თავისუფლებას. მილენასთვის ყველაზე დიდი ჯილდო მოსწავლეების პროგრესი და მათი ბედნიერი თვალებია, როცა ისინი საკუთარი ფანტაზიით შექმნილ ნამუშევარს ხედავენ.

წარსულში თუ გქონდათ გამოცდილება, რაც დაგეხმარათ?: გამოცდილება მაქვს იმ კუთხით რომ მე თვითონ წლების განმავლობაში ვაკეთებდი ხელნაკეთ ნივთებს და ყოველთვის მიყვარდა შემოქმედება. სწორედ ამ გამოცდილებამ მომცა იდეა, რომ ჩემი ცოდნა და სიყვარული ხელოვნების მიმართ სხვებსაც გამეზიარებინა. ასე დავიწყე ჩვენი სკოლა, სადაც ბავშვებს ვასწავლით ხატვას, სხვადასხვა ტექნიკას და ფანტაზიის თავისუფალ გამოხატვას.

მოგვიყევით პირველ ნაბიჯებზე: ხელოვნების სკოლა იმ იდეიდან გაჩნდა, რომ ყოველთვის მიყვარდა შემოქმედება და მინდოდა ეს სიყვარული სხვებისთვისაც გამეზიარებინა. ვხედავდი, რომ ბევრ ბავშვს აქვს დიდი ფანტაზია და ნიჭი, მაგრამ ხშირად არ აქვთ ადგილი, სადაც ამას თავისუფლად გამოხატავენ. სწორედ ამიტომ გადავწყვიტე შემექმნა სივრცე, სადაც ბავშვები შეძლებენ ისწავლონ, შექმნან და საკუთარი თავი ხელოვნებით გამოხატონ.

როგორ გაჩნდა იდეა?: ეს სკოლა ჩემთვის უბრალოდ სასწავლო სივრცე არ არის — ეს არის ადგილი, სადაც ბავშვების ფანტაზია ცოცხლდება. ყოველთვის მჯეროდა, რომ ყველა ბავშვს აქვს საკუთარი უნიკალური ნიჭი, და ჩვენი მიზანია დავეხმაროთ მათ ამ ნიჭის აღმოჩენასა და განვითარებაში. აქ ისინი სწავლობენ არა მხოლოდ ხატვას, არამედ ფიქრს, შექმნას და საკუთარი იდეების გამოხატვას. ჩემთვის ყველაზე დიდი მოტივაციაა მათი პროგრესი და ბედნიერი თვალები, როცა საკუთარ ნამუშევარს ხედავენ.

რა პროდუქციას სთავაზობთ მომხმარებელს?: ჩვენს ხელოვნების სკოლაში ბავშვებს ვთავაზობთ შემოქმედებით სივრცეს, სადაც ისინი სწავლობენ ხატვას, ფერებთან მუშაობას და სხვადასხვა ტექნიკას. მთავარი, რასაც ვცდილობთ, არის მათ ფანტაზიის განვითარება და საკუთარი იდეების თავისუფლად გამოხატვა. ჩვენთან ყოველი ბავშვი განსაკუთრებული და სწავლა მათთვის ყოველთვის სახალისო და შემოქმედებითი პროცესია.

დამატებითი ინფორმაციისთვის დაუკავშირდით